Aborozi bo mu karere ka Nyagatare bavuga ko igitabo cy’imfashanyigisho kigiye kubafasha kongera umukamo n’ubumenyi ku bworozi bwa kijyambere ibizazamura ubukungu bwabo ndetse n’imibereho yabo. Kuri uyu wa Gatanu, tariki 31 Nyakanga 2026 mu karere ka Nyagatare hamuritswe igitabo cy’imfashanyigisho kigamije gufasha aborozi b’inka zitanga umukamo kongera ubumenyi ku bworozi bwa kijyambere no kuzamura umusaruro w’amata.

Iki gitabo cyateguwe hashingiwe ku mbogamizi aborozi bahuraga na zo zirimo uburyo bwo kugaburira amatungo, kuyitaho no kuyacunga, kikaba gikubiyemo amabwiriza afasha korora inka zitanga umukamo mu buryo bwa kinyamwuga kugira ngo umusaruro wiyongere mu bwinshi no mu bwiza. Bamwe mu borozi bavuko babyakiriye neza bagahamyako mu gihe ibikubiye muri iki gitabo byakubahirizwa byazamura umukamo.

Butare Musoni Alex wo mu kagari ka Kenjojo mu murenge wa Rwempasha mu karere ka Nyagatare yavuze ko iyi mfashanyigisho ije ari igisubizo ku bibazo byinshi bahuraga na byo. Yagize ati:”Bizadufasha kwiga gukora no kwiga kugaburira tumenye uko dukora ubworozi nk’ishoramari ndetse no kuzamura iterambere ryacu tubashe kunguka.”Yakomeje agira ati:”Bizazamura umukamo w’amata tumenye icyo ubworozi budufashije bityo tuzagure umurage dusiga.

“Nsengiyumva Bernard yagize ati:”Hari igihe twakoraga ubworozi dukurikije uburambe gusa. Iyi mfashanyigisho izadufasha gukoresha uburyo bugezweho bwo kugaburira no kwita ku nka, bityo twongere umukamo n’inyungu dukura mu bworozi.

“Umunyamabanga wa Leta muri Minisiteri y’Ubuhinzi n’Ubworozi, Dr. Solange Uwituze, yashimiye FAO yateguye iyi mfashanyigisho, kuko izafasha guhindura imikorere y’aborozi no kongera umusaruro w’amata.

Yagize ati:”kugira Umukamo wiyongere Abaorozi bakwiye gukora cyane kandi bazamura umukamo wabo.”Yakomeje agira ati: “Iki gitabo kizafasha kuzamura ubworozi n’iterambere ryaborozi.”

Iki gitabo cy’imfashanyigisho cyamuritswe kubufatanye na Minisiteri y’Ubuhinzi n’Ubworozi (MINAGRI),n’Ishami ryita ku Biribwa n’Ubuhinzi (FAO) n’Ubuyobozi bw’Akarere ka Nyagatare, kigamije gufasha aborozi b’inka zitanga umukamo kongera ubumenyi ku bworozi bwa kijyambere no kuzamura umusaruro w’amata.

Iki gitabo cyateguwe hashingiwe ku mbogamizi aborozi bahuraga na zo zirimo uburyo bwo kugaburira amatungo, kuyitaho no kuyacunga, kikaba gikubiyemo amabwiriza afasha korora inka zitanga umukamo mu buryo bwa kinyamwuga kugira ngo umusaruro wiyongere mu bwinshi no mu bwiza.